Lyrics In Telugu

నీవు లేక వీణ పలుకలేనన్నది 
నీవు రాక రాధ నిలువలేనన్నది 

నీవు లేక వీణ 

జాజిపూలు నీకై రోజు రోజూ పూచే 
చూచి చూచి పాపం సొమ్మసిల్లిపోయే 
చందమామ నీకై తొంగి తొంగి చూచి 
చందమామ నీకై తొంగి తొంగి చూచి 
సరసను లేవని అలుకలు బోయే 

నీవు లేక వీణ

కలలనైన నిన్ను కనుల చూతమన్న 
నిదుర రాని నాకు కలలు బూనరావే 
కదలలేని కాలం విరహగీతి రీతి 
కదలలేని కాలం విరహగీతి రీతి 
పరువము వృథగా బరువుగ సాగే 

నీవు లేక వీణ 

తలుపులన్ని నీకై తెరచి ఉంచినాను 
తలపులెన్నో మదిలో దాచి వేచినాను 
తాపమింక నేను ఓపలేను స్వామి 
తాపమింక నేను ఓపలేను స్వామి 
తరుణిని కరుణను యేలగ రావా 

నీవు లేక వీణ పలుకలేనన్నది 
నీవు రాక రాధ నిలువలేనన్నది 
నీవు లేక వీణ