Lyrics In Telugu

కన్నీళ్లకే కన్నీరొచ్చే 
కష్టాలకే కష్టం వేసే 
కన్నా ఇలా నిన్నే చూడగా 
ఓ ... అన్ని నువ్వై భారం మోయగా 
ఈ బరువే నీ చదువై ఎదిగిన పసి కూన 

ఓ ఓ ఓ ... ఓ ఓ ఓ ... ఓ ఓ ... ఓ ఓ ఓ ... 

కన్నీళ్లకే కన్నీరొచ్చే 
కష్టాలకే కష్టం వేసే 
కన్నా ఇలా నిన్నే చూడగా 
ఓ ... అన్ని నువ్వై భారం మోయగా 

అమ్మ లోని లాలన నాన్న లోని పాలన 
అందిపుచ్చుకున్న ఈ అన్న నీడలో 
కొమ్మ చాటు పూవులై కంచె చాటు పైరులై 
చిన్ని పాపలందరూ ఎదుగు వేళలో 
ముసిరే నిశిలో నడిచే దిశలో 
నెత్తురుతో నిలిపావే ఆరని దీపాన్ని 

ఓ ఓ ఓ ... ఓ ఓ ఓ ... ఓ ఓ ఓ ... ఓ ఓ ఒ. .. 

దారి చూపు సూర్యుడా జోల పాడు చంద్రుడా 
నీవు కంట నీరు పెడితే నిలువలేమురా 
నీరు కాదే అమ్మలు తీరుతున్న ఆశలు 
ఇన్నినాళ్ళ భారమంతా కడుగుతున్నవి 

ఒడిలో ఒదిగి రుణమై ఎదిగి 
మరు జన్మ నిను కని పెంచే అమ్మవుతామయ్య 
నీ నవ్వే వెన్నెల వెలుగమ్మ 
నా యదలో కాంతుల కొలువమ్మ 

ఏ దైవమో దీవించాడు 
మా అన్నగా దిగి వచ్చాడు 
ఏ జన్మలో రుణమో తీర్చగా 
ఓ ... మా కోసమే ప్రాణం పంచగా 
ఏ పుణ్యం మా కోసం ఈ వరమిచ్చిందో 

నీ నవ్వే వెన్నెల వెలుగమ్మ 
నా యదలో కాంతుల కొలువమ్మ